Posted on 2010/12/12 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
Bu gün sənin doğum günün
Xəyalımda bir quş olub sənə tərəf gələcəyəm
əlimdəki çiçəkləri gülüm sənə verəcəyəm
bügün sənin doğum günün belənçi bir şirin günü
bütün vucudumla gözəl sənə təbrik diyəcəyəm
ayrılıqdan gözüm yaşdı sənsizlikdən ürək qandı
ürəyimdə mən ağlayıb üzdə sənə güləcəyəm
əgər bütün aləm bügün gözəl səndən gözəl olsa
mənim gözümdə tək sənsən yalnız səni sevəcəyəm
əgər məni əfv etməsən ömrüm bitincə yar ınan
məni qoyub gedən yerdə sənin üçün dözəcəyəm
səni sevdim özüm üçün ayrılmışam sənin üçün
həsrətində mən yaşayıb xəyalında oləcəyəm
şair : Vəhid Şükürzadə
بوگون سنین دوغوم گونون
خیالیمدا بیر قوش اولوب ، سنه طرف گله جه یم
الیمده کی چیچک لری ، گولوم سنه وئره جه یم
بوگون سنین دوغوم گونون ، بئلنچی بیر شیرین گونو
بوتون ووجودوملا گوزل ، سنه تبریک دییه جه یم
آیریلیقدان گؤزوم یاشدی ، سنسیزلیکدن اورک قاندی
اوره ییمده من آغلاییب ، اوزده سنه گوله جه یم
اگر بوتون عالم بوگون ، گوزل سندن گوزل اولسا
منیم گؤزوم ده تک سنسن ، یالنیز سنی سئوه جه یم
اگر منی عفو ائتمه سن ، عومروم بیتینجه یار اینان
منی قویوب گئدن یئرده ، سنین اوچون دؤزه جه یم
سنی سئودیم اؤزوم اوچون ، آیریلمیشام سنین اوچون
حسرتینده من یاشاییب ، خیالیندا اوله جه یم
شاعیر : وحید شکرزاده
Filed under: وحید شکرزاده نین شعرلری Vəhid Şükürzadə'nin şeirləri,باشقا شاعیرلر,تورکی شعرلر Türkcə şeirlər | Tagged: ad günü,bağışla sən,doğum günü,doğum günün mübarək,doğum gününğ,əئدیرسن گئت,pdn a;vchni,Türkce şiirler,وحید شکرزاده,وحید شکرزاده نین تورکی شعرلری,وحید شکرزاده نین شعرلری,گئدیرسن گئت,گئدیرسن گد,vəhid şükürzadə,vəhid şükürzadə şeirləri,şiir,آیریلیق شعرلری,آیریلیق شعری,آذربایجان شعرلری,اونودام گرک,اوندا بیلمیرم,اشعار ترکی وحید شکرزاده,باغیشلا,باغیشلا منی,باغیشلا سن,تورکی شعر,تورکی شعرلر,تورکجه شعرلر,سنی اونوتامام,سنی اونودا بیلمیرم,شعر تولدت مبارک به ترکی,شعر ترکی وحید شکرزاده,شعر ترکی باغیشلا سن,شعر ترکی تولدت مبارک | Leave a comment »
Posted on 2010/12/11 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
Gedirsən get
Gedirsən get dəli könlüm səni istər olunca yar
Gecə gündüz buludlar tək yağar gözlər dalınca yar
Səninlə mən bərabər olmadım heç vaxt həqiqətdə
Xəyalımda vəli hər an mənimləsən doyunca yar
Elə sevdim səni cana ki aləm heyrətə gəldi
Nədən küsdün çıxıb getdin məni dərdə salınca yar
Sənə nisbət belə şiddətli bir sevdamı bilmirdim
Düşündüm mən bu ehsası biraz sənsiz qalınca yar
Mənim qəlbim gülə taydı sənin eşqin ona candı
Yaşayış illətim sənsən mənim ömrüm solunca yar
Son arzumdur mənə qaytarma bu divanə qəlbimi
Gedirsən sən barı qalsın mənim qəlbim yanınca yar
Şair : Vəhid Şükürzadə
گئدیرسن گئت
گئدیرسن گئت دلی کونلوم سنی ایستر اولونجا یار
گئجه گوندوز بولودلار تک یاغار گؤزلر دالینجا یار
سنینله من برابر اولمادیم هئچ واخت حقیقت ده
خیالیم دا ولی هر آن منیمله سن دویونجا یار
ائله سئودیم سنی جانا کی عالم حیرته گلدی
نه دن کوسدون چیخیب گئتدین منی درده سالینجا یار
سنه نیسبت بئله شیددتلی بیر سئودامی بیلمیردیم
دوشوندوم من بو احساسی بیرآز سنسیز قالینجا یار
منیم قلبیم گوله تایدی سنین عشقین اونا جاندی
یاشاییش عیللتیم سنسن منیم عومروم سولونجا یار
سون آرزوم دور منه قایتارما بو دیوانه قلبیمی
گئدیرسن سن باری قالسین منیم قلبیم یانینجا یار
شاعیر : وحید شکرزاده
Filed under: وحید شکرزاده نین شعرلری Vəhid Şükürzadə'nin şeirləri | Tagged: bağışla sən,əئدیرسن گئت,pdn a;vchni,Türkce şiirler,وحید شکرزاده,وحید شکرزاده نین تورکی شعرلری,وحید شکرزاده نین شعرلری,گئدیرسن گئت,گئدیرسن گد,vəhid şükürzadə,vəhid şükürzadə şeirləri,şiir,آیریلیق شعرلری,آیریلیق شعری,آذربایجان شعرلری,اونودام گرک,اوندا بیلمیرم,اشعار ترکی وحید شکرزاده,باغیشلا,باغیشلا منی,باغیشلا سن,تورکی شعر,تورکی شعرلر,تورکجه شعرلر,سنی اونوتامام,سنی اونودا بیلمیرم,شعر ترکی وحید شکرزاده,شعر ترکی باغیشلا سن | Leave a comment »
Posted on 2010/12/11 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
اونودام گرک
سنی اونودماق اوچون اؤزومو اونودام گرک
بوتون آرزولاریمی ریشه دن قورودام گرک
سنینله جورله میشدیم گله جک ده کی دونیامی
ایندی کی سن گئدیبسن دونیامی اوچودام گرک
نینییم اولموری فیکریندن آیریلا بیلمیرم
سندن آیریلماق اوچون بینیمی یودودام گرک
سنی چوخلی سئویرم ، سنسیز یاشایا بیلمیرم
سن سؤیله بو احساسیمی نئجه دوردودام گرک ؟
سنییدین حیاتیمین تک دادی دوزو معناسی
سنسیز من عومرومو حرام ائدیب تورشودام گرک
اوندا کی سن گلدین ، اولو جیسمیمه جان گتیردین
سنه جان بوشلویام ، حسابیمی دورودام گرک
شاعیر : وحید شکرزاده
Unudam gerək
Səni unudmaq üçün özümü unudam gerək
Bütün arzularımı rişədən qurudam gerək
Səninlə cürləmişdim gələcəkdə ki dunyamı
Indi ki sən gedibsən dunyamı uçudam gerək
Neyniyim olmurı fikrindən ayrıla bilmirəm
Səndən ayrılmaq üçün beynimi yududam gerək
Səni çoxlı sevirəm sənsiz yaşaya bilmirəm
Sən söylə bu ehsasımı necə durdudam gerək
Səniydin həyatimin tək dadı duzu mənasi
Sənsiz mən ömrümü həram edib turşudam gerək
Onda ki sən gəldin ölü cismimə can gətirdin
Sənə can boşluyam hesabımı durudam gerək
Şair : Vəhid Şükürzadə
Filed under: وحید شکرزاده نین شعرلری Vəhid Şükürzadə'nin şeirləri | Tagged: bağışla sən,pdn a;vchni,Türkce şiirler,وحید شکرزاده,وحید شکرزاده نین تورکی شعرلری,وحید شکرزاده نین شعرلری,vəhid şükürzadə,vəhid şükürzadə şeirləri,şiir,آیریلیق شعرلری,آیریلیق شعری,آذربایجان شعرلری,اونودام گرک,اوندا بیلمیرم,اشعار ترکی وحید شکرزاده,باغیشلا,باغیشلا منی,باغیشلا سن,تورکی شعر,تورکی شعرلر,تورکجه شعرلر,سنی اونوتامام,سنی اونودا بیلمیرم,شعر ترکی وحید شکرزاده,شعر ترکی باغیشلا سن | Leave a comment »
Posted on 2010/12/11 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
Bağışla sən
Xəta yapdım ürək indi pəşimandı bağışla sən
Bu pis işdən mənim gözlərdə gıryandı bağışla sən
Neçə gündür yuxum yoxdur çörək getmir boğazımdan
Pəşımanam halımda çox pərışandır bağışla sən
Özün yaxşı bilirsən kı səni mən çox sevirəm yar
Gunahkaram gunahıma könül yandı bağışla sən
Məni əfv eyləməsən yar əgər rızvandada olsam
Xüdavəndin beheştidə bil ki zındandı bağışla sən
Mənim canım səni sevdim sənə candan ürək verdim
Daha sənsiz mənim dunyamda vırandı bağışla sən
Bu hıcrandan bir od düşdü alışdırdı vucudumu
Mənim artıq mucazatım bu hıcrandı bağışla sən
Şaır : Vəhid Şükürzadə
باغیشلا سن
خطا یاپدیم اورک ایندی پشیمان دی باغیشلا سن
بو پیس ایشدن منیم گؤزلر ده گیریان دی باغیشلا سن
نئچه گوندی یوخوم یوخدی چؤرک گئتمیر بوغازیمدان
پشیمانام حالیم دا چوخ پریشان دی باغیشلا سن
اؤزون یاخچی بیلیرسن کی سنی من چوخ سئویرم یار
گوناهکارام گوناهیما کونول یاندی باغیشلا سن
منی عفو ائیله مه سن یار اگر ریضوان دادا اولسام
خداوندین بهشتی بیل کی زیندان دی باغیشلا سن
منیم جانیم سنی سئودیم سنه جاندان ئورک وئردیم
داحا سنسیز منیم دونیام دا ویران دی باغیشلا سن
بو هیجران دان بیر اُود دوشدو آلیشدیردی وجودومو
منیم آرتیق موجازاتیم بو هیجران دی باغیشلا سن
شاعیر : وحید شکرزاده
Filed under: وحید شکرزاده نین شعرلری Vəhid Şükürzadə'nin şeirləri | Tagged: bağışla sən,pdn a;vchni,Türkce şiirler,وحید شکرزاده,وحید شکرزاده نین تورکی شعرلری,وحید شکرزاده نین شعرلری,vəhid şükürzadə,vəhid şükürzadə şeirləri,şiir,آیریلیق شعرلری,آیریلیق شعری,آذربایجان شعرلری,اشعار ترکی وحید شکرزاده,باغیشلا,باغیشلا منی,باغیشلا سن,تورکی شعر,تورکی شعرلر,تورکجه شعرلر,شعر ترکی وحید شکرزاده,شعر ترکی باغیشلا سن | Leave a comment »
Posted on 2010/11/27 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
دنیز قیزی
یولونو گؤزله دیم بو سونسوز گئجه
توكه ندی اومودوم قیریلدی هئییم
دؤرد دووار ایچینده یاندیم آلیشدیم
هایانا اوز قویوم – هایاندان دئیم
*****
اولمایا قار یاغیب یولونو كسدی؟!
اولمایا گه لنده دومانا دوشدون؟!
دیلیمده آجی بیر قوشما ته له سدی
بلكه ده سارسیلیب گومانا دوشدون
*****
بو گئجه لحظه لر ایلله شیر منه
قاریشیر شعریمین قاراسی ، آغی
ماوی لر قارالیب زیلله شیر منه
گه زیره م آردینجا ، آرانی ، داغی
*****
بو گئجه نه یامان اوزون گئجه دیر؟!!!
گؤزومده یول آزیر،یاتا بیلمیرم
سیخیر اوره گیمی هیچقیریقلاریم
اؤزومده – اؤزومه چاتا بیلمیرم
*****
یوخودان آل منی ، آپار دنیزه
سنه قوربان اولوم آی دنیز قیزی
آی گیریب بولودا ، كیم باخیر بیزه
سسیمه ، سس وئر ا…ی گؤیون اولدوزو
*****
یولونو گؤزله دیم گه لمه دین نه دن؟
داریخدی شعیریم،داریخدی سؤزوم
آی دا یورقون اولوب آخیر زیروه دن
نه اوندا دؤزوم وار نه منده دؤزوم
Filed under: باشقا شاعیرلر,تورکی شعرلر Türkcə şeirlər | Tagged: قیز,آیریلیق شعری,آذربایجان شعرلری,تورکی شعر,تورکجه شعرلری,دنیز,دنیز قیزلاری,دنیز قیزی,دریا قیزی,سئوگی شعرلری,شعر ترکی,شعر ترکی دنیز قیزی,شعر عاشقانه ترکی | Leave a comment »
Posted on 2010/11/25 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
نئچه گوندور کوسولوسن
بیلیرم کی اوزولوسن سن
عؤمرومون ازلی سن
قاییت گولوم قاییت منه …
هره بیرین سئویب ـ سئچیر
منیم گونوم سن سیز کئچیر
اوره ییمی کدر بیچیر
قاییت گولوم قاییت منه …
تک گزیرم کوچه لری
آتما آتیر نئچه لری
یاتانمیرام گئجه لری
قاییت گولوم قاییت منه …
قوشا گزیر اوغلان ـ قیزلار
سانکی یئرده آی ـ اولدوزلار
اورک سن سیز هر آن سیزلار
قاییت گولوم قاییت منه …
آرابالار اؤتوشور هئی
فواره لر آتیشیر هئی
کؤنلوم قوپور ، بیتیشیر هئی
قاییت گولوم قاییت منه …
چیچکلری اوزوم ـ اوزوم
سن اؤتوشن یولا دوزوم
باشقاسینی توتمور گؤزوم
قاییت گولوم قاییت منه …
Filed under: باشقا شاعیرلر,تورکی شعرلر Türkcə şeirlər | Tagged: قاییت,گولوم,آیریلیق شعری,اشعار آذری,تورکی شعر,تورکجه شعرلر,سئوگی شعرلری,سئوگی شعری,شعر ترکی,شعرهای آذربایجانی | Leave a comment »
Posted on 2010/11/24 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
حسرته گئدن قاطار
بو قاطار ووصالدان حسرته گئدیر
وطن اوره گیمدن غربته گئدیر
دئیه سن بیر آیری قیسمته گئدیر
نه اولار ، ساخلایین گئدن قاطاری
گولوشو آپاریر ، گؤز یاشیم قالیر
اوره ییم بوشالیر ، گؤزلریم دولور
بو قاطار آیریلیق هاواسی چالیر
نه اولار ساخلایین گئدن قاطاری
زامانی دوغراییب بیچیر بو قاطار
سئوگیمین اوستوندن گئچیر بو قاطار
منیم گؤز یاشیمی ایچیر بو قاطار
نه اولار ساخلایین گئدن قاطاری
بؤیورسم چاغیرسام چاتا بیلمه رم
قلبیمدن قوپاریب ، آتا بیلمه ره م
گئتدیمی بیرداها توتا بیلمه ره م
نه اولار ساخلایین گئدن قاطاری
منیم باهاریمی آپاریب گئدیر
الینی الیمدن قوپاریب گئدیر
قویمایین یاریمی آپاریب گئدیر
نه اولار ساخلایین گئدن قاطاری
Filed under: باشقا شاعیرلر,تورکی شعرلر Türkcə şeirlər | Tagged: قاطار,قطار,آنا دیلیمده شعر,آیریلیق شعری,تورکی شعر,تورکجه شعرلر,حسرت,شعر به زبان ترکی,شعرلر,شعرهای ترکی | Leave a comment »
Posted on 2010/11/13 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
Gedirəm
Gedirəm özgə yarın şəm’inə pərvanə olam
Sevgimə layıq olan dilbərə divanə olam
Bilmədin qədrimi sən çoxlu mənə zülm elədin
Gedirəm ey daş ürək mən sənə biganə olam
Aqiliydim sənin eşqində belə mən dəli oldum
Yoxdu ımkan ki dönüb bir daha fərzanə olam
İndi ki üz çevirib taleyi fərzanaliğim
Gedirəm mən mey içəm sakini meyxanə olam
Mənə leyla gerək olsun nə gözəl sevməli yar
Gedirəm məcnuna tay eşqidə əfsanə olam
Demədim bunları ta sən mənə duşman olasan
Bilginən istəyirəm mən kimə cananə olam
Şair Vəhid Şükürzadə
گئدیرم
گئدیرم اؤزگه یارین شمعینه پروانه اولام
سئوگیمه لاییق اولان دیلبره دیوانه اولام
بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام
عاقیلیدیم سنین عشقینده بئله من دلی اولدوم
یوخدی ایمکان کی دؤنوب بیر داحا فرزانه اولام
ایندی کی اوز چؤووروب طالع فرزانه لیغیم
گئدیرم من می ایچم ساکین میخانه اولام
منه لیلا گرک اولسون ، نه گوزل سئوملی یار
گئدیرم مجنونا تای عشقیده افسانه اولام
دئمه دیم بونلاری تا سن منه دوشمن اولاسان
بولگونن ایستییرم من کیمه جانانه اولام
شاعیر : وحید شکرزاده
Filed under: وحید شکرزاده نین شعرلری Vəhid Şükürzadə'nin şeirləri,باشقا شاعیرلر,تورکی شعرلر Türkcə şeirlər | Tagged: وحید شوکورزاده,وحید شکورزاده,وحید شکری زاده,وحید شکرزاده,وحید شکرزاده معروف به دوزلو اوغلان,وحید شکرزاده نین شعرلری,گئدیرم,آیریلیق شعری,تورکی شعر,دوزلو اوغلان,دوزلو اوغلان شعرلری,سئوگی شعرلری | Leave a comment »
Posted on 2010/10/19 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
یارادایدیم
کاش دویغو کیمین گؤزلرینه حال یارادایدیم
اؤز کونلومه ده اوردا یئر اهمال یارادایدیم
گیزلین سوزومون آرزیسی دا باشه چاتایدی
میضرابی چکیب سیملره قیقال یارادایدیم
سن گول،من آری،آمما گولوم ساشماقیلان یوخ
گؤز گؤزده باخیشلاری دادیب بال یارادایدیم
کاش الله اولایدیم بیر دفعه من سنه خاطیر
سؤز سینه ده جوشغون،دیلیمی لال یارادایدیم
یا،رسام اولوب کؤنلومو بیر شکیل آراسیندا
وولکان ائیله ییب بوینونا قاندال یارادایدیم
کاش سن دنیزین ساحیلینه سئیره گلیدین
من ده او دنیزلرده چاشیب،حال یارادایدیم
Filed under: باشقا شاعیرلر,تورکی شعرلر Türkcə şeirlər | Tagged: آیریلیق شعری,آذری شعری,آذربایجان شعرلری,اورک,اشعار ترکی,اشعار شاعران آذربایجان,تورکی شعر,تورکجه سئوگی شعری,تورکجه شعرلر,سئوگی شعرلری,سئوگی شعری,شعر ترکی,شعر ترکی آذربایجانی,شعرهای ترکی | Leave a comment »
Posted on 2010/10/19 by vəhid şükürzadə وحید شکرزاده
دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
اورک بهانه توتوب
اورک بهانه توتوب اوت وئریر قراریما گل
گولوم ترحم ائیله سولموش اعتیباریما گل
چیخیر یئریندن اورک تیتره ییر الیمده قلم
گؤزومده دالغالانیب چن دوشوب دیاریما گل
دیلکلر امنیتی،آرزوو یامان چکیره م
دوباره حسرت آهین بسله مه خوماریما گل
چیچکلرین اوره گین کینلی شاختالار بویوروب
باهار ترانه سی، باخ توزلو روزگاریما گل
سن اولماسان بیلیسن دونیالار یالاندی منه
مؤهور وئر آنجاق اوزون وارلیق اعتیبارما گل
Filed under: باشقا شاعیرلر,تورکی شعرلر Türkcə şeirlər | Tagged: آیریلیق شعری,آذری شعری,آذربایجان شعرلری,اورک,تورکی شعر,تورکجه شعرلر,سئوگی شعری | Leave a comment »