بابک قالاسی


بابک قالاسی

آ قارداشلار؛آرخاداشلار

قيوراق گلين ،يوبانمايين

آزجا قالير يئتيشيريک

اوتورمايين ؛دايانمايين

بو يوخوشو باشا چاتساق

گورونور “بابک قالاسي”

قالا دئمه؛داغ باشيندا

آليجي ترلان يوواسي

بورا بابک قالاسي دير

دوشمن بورا باتابيلمز

بو قالانين قورخوسوندان

معتصم لر ياتا بيلمز

بوردا ياتان ايگيت لرين

هر بيرسي ؛بير ارسلان دير

ناکس دوشمن قارشي سيندا

هر ايگيدي بير قافلان دير

بوردا ياتان قهرمانلار

دنيزلردن باج آليبلار

خليفه لر آغلاديبلار

چوخ شاهلاردان تاج آليبلار

بو قالا معتصم لري

درين قورخويا ساليبدير

اوچ يوز مين عرب قوشونو

بو يئرده عاجيز قاليبدير

بوردا منيم –سنين يوخدور

هامي اوزون ائلدن سايير

بوردا بسله نن اينسانلار

تکجه ائل اوچون ياشيير

دوشمن هجوم ائله ينده

هامي اله قيلينج آلير

هامي اولکه ني قورويوب

دوشمن جانينا اود سالير

بو يئرين توي- بايراميدير

هامي لاردا شادليق واردير

اينسانجا ياشاماق اوچون

هامي يا آزادليق اوچون

بو قالانين قادينلاري

شانلي-شرفلي بشردير

آزادليق دا-اينسانليق دا

کيشي لرله برابردير

بو قالادا هربير قادين

امک وئرن بير آنا دير

هربير بير کورپه مارال

سانکي بيرنازلي سونادير

ساواش گونو قادينلاردا

کيشي لر تک قيلينج وورار

ياغي دوشمن قارشي سيندا

ساوالان تک محکم دورار

بو قالادا ياشاييشلار

يوکسک بير هدف اوچوندور

چاليشمالار ووروشمالار

آزادليق ؛شرف اوچوندور

بوردا اودلار دياري دير

هربير ياندا شهرتي وار

آزادليقين؛اينسانليقين

بوردا بويوک حورمتي وار

بو قالنين سرکرده سي

ايگيت لر ايچينده تک دير

قهرمانلار قهرماني

شانلي-شرفلي “بابک”دير

بو بابک دير،”افشين”دئييل

اوز وطنين ائلين آتسين

باشچي ليقدان پولدان اوترو

اوزون دوشمن لره ساتسين

بو بابک دير اقشين دئييل

اورک لرده کينه اکسين

معتصمه قول اولوبان

اوز ائلينه قيلينج چکسين

بابک دير بو،”مازيار” دئئيل

اولوموندن وحشت ائتسين

بئش گون ياشاماقدان اوترو

ائلينه خيانت ائتسين

بابک دبر بو ؛مازيار دئييل

يالوارسين آلچاق دوشمنه

باغيشلانماق ديله ييبن

سجده قيلسين اهريمنه

بو بابک دير ائل اوغلو دور

اوزائلينه آرخالانار

آزادليق –شرف يولوندا

اولوموده ديريم سانار

بابک جلاد الينده ده

قورخوب ايتيرمز اوزونو

کسيب بيله نين قانين

سورتوب قيزاردار اوزونو

بابک چوخ آيدين بيلير کي

“بابک”لرين دير گله جک

قاني نين هر داملاسيندان

مينلر بابک ديرچله جک

بابک چوخ باخشي سئچير کي

گئده رسه ده آدي قالار

گله جه يين “بابک”لري

بوتون اوندان الهام آلار

هامي آزاد اينسانلار

“بابک “اولوآتاسي دير

“قوچ کوروغلو””قوچاق نبي”

اونون دوغما بالاسي دير

“نيگار””هجر””زينب پاشا”

بابکين اوز قيزلاري دير

بونلار شرف گويلري نين

سونمه ين اولدوزلاري دير

آ قارداشلار ؛آرخاداشلار

قيوراق گلين ؛يوبانمايين

آزجا قالير يئتيشيريک

اوتورمايين؛دايانمايين ….

یازان:  حميد.آرش .آزاد

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: