دلی بیر آغلاماق کئچیر کونلومدن – نصرت کسمنلی


دلی بیر آغلاماق کئچیر کونلومدن

يويوروب- يويوروب دره بويونجا
دوشوم چمن اوسته قوي، اوزو قويلو
اوپوم بو تورپاغي
اوپوم دويونجا
اوزومه اوز قويسون هر سويوق داشي
قوي شئهه قاريشسين گوزومون ياشي
قوروموش بولاقلار ايچير کونلومدن
دلي بير آغلاماق کئچير کونلومدن

کونلونه ديديييم ،
اينجيتديييم قيز،
ووقار کولگه سينده ياتديغيم بسدير
اودلو ياناغيندان سو ايچديييم قيز،
بو قدر گوناها باتديغيم بسدير.
داها دوداقلارين تيتره مه سين قوي
من سنين قارشيندا تيتره ييم، اسيم
سندن دونيالاري ايسته ميرم، يوخ
مني باغيشلاسان، بسيمدير، بسيم
جان دئسن
آليشيب يانا بيله رم
دون دئسن
يئريمده دونا بيله رم
ايندي بيلميشم کي عومور- گون گئدير
ان گوزل حيسلريم کوچور کونلومدن
قاييت!
سن عومرومه تزه ليک گتير
دلي بير آغلاماق کئچير کونلومدن.

چوخدان قبريستانا دوشمه يير يولوم
او تنها مزاري اوت باسيب بلکه
منيم سويوقلوغوم، لاقئيدليييم
اونون سينه سينه اود باسيب بلکه
بير داش وار گوزومون ياشينا حسرت
دايانيب او گيلئي هئيکلي کيمي
اليم تورپاغينا- داشينا حسرت
ييخيليب اوستونه من دلي کيمي،
آغلايام گرک.
او تنها مزاري تورپاغدان اوزوب
اووجومون ايچينده ساخلايام گرک.
شوهرتين اوستونه يويوردوکجه من
ايستکلر، آرزولار کوچور کونلومدن
سئوگي دونياسينا بوروندوکجه من
دلي بير آغلاماق کئچير کونلومدن.

کولکلر اوينايير کند ائويميزده
طالع باش گوتوروب آپاردي مني
هورومجک تور قوروب پنجره ميزده
حسرتيم چيرپينير او توردا منيم.
ياراسا بويلانير اوچور تاواندان
بوکولموش ديرکلر چات- چات اولوبدور.
قورخودان ديوارين باغري ياريليب
قاپيلار چوخاليب دوردقات اولوبدور.
گئديم ديوارينا يالواريم اونون
گئديم، قاپيلارين قاتي آچيلسين.
گئديم من سونونجو ديره يي اولوم
تاوانلار چيينيمه باري اوچولسون…
داشي داش اوستونه قويوم تزه دن
دلي سوو کولکلر اسير کونلومدن!
ائله کوورلميشم،
بيلميرم نه دن
دلي بير آغلاماق کئچير کونلومدن!

یازان:  نصرت کسمنلی

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: