وطن نه دئمک دیر + تورکجه شعر


وطن نه دئمه ك دير؟

معناسي نه دير؟

وطن آنالارين لايلا لاري دير

قوجامان ننه نين ناغيل لاري دير

آراز دا بوغولان سارا دير

وطن قورقود بابام

اونون قوپوزو

وطن تويلاريميز، اويونلاريميز

نوروز بايراميندا قورشاق ساللاماق

بايرامليق آلماق

وطن ماهني لاردير، موسيقي ميزدير

وطن بايتاي دير، سازدير، آشيق دير

داغلاردا چوبانين توته ك چالماسي

كورپه نين بئشيكده شيرين ياتماسي

اينجه گولوش لري گول تك دوداقلار

وطن سودان گلن سورمه لي قيزدير

گوورچين قيزلارين گلين گئتمه سي

تويلاردا اليبنه خينا ياخماسي

اوغلانين دام اوستدن آلما آتماسي

كندده گنج لرين آت اويناتماسي

وطن دير اولكه مين داغي- دره سي، ياماجي- دوزو، آيي- اولدوزو

قيزلارين تارلادا گئديب گزمه سي

مارالين داغلاردا اوخ تك سوزمه سي

قايادان سوزولن شير- شير بولاقلار

داغلاردا آل الوان چيچك كول لاري

گليش لي- گئديش لي جيغير يوللاري

سورولر اوتلايان ياشيل ياماجلار

شيرين بولاقلار، ووقارلي داغلار

شرف رمزي اولان اولو قالالار

داشلار- قايالار

خزر دنيزي دير، كور دير، آراز دير

وطن اولكه ميزين تاريخ بويوندا

باغريني گولله يه قالخان ائيله ين

يادلارلا ووروشان ار ايگيدلر دير

وطن كوراوغلو دور، وطن بابك دير

وطن دير تارخان

حيدر عمو اوغلو ، شهريار عمي دير، صابير بابام دير

وطن منيم عزيز آناديليم دير

ايندي بوزماندا بيزيم اولكه نين وارليغيني- اوزلوگونو ديري ساخلايان

دوغما ديليم دير

وطن تاريخ بويو شانلي ائليم دير

وطن محبت دير، وطن سئوگي دير

بو وطن، اولو سويمه لي تورپاق، جانيميزدان عزيز آذربايجان دير

باغري لاله لري قيرميزي قان دير

ممدلي بو عزيز يوردا قوربان دير

یازان:  اسماعيل محمد ثاني((ممدلي))

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: