داغلار – عاشیق علعسگر


داغلار

بير آي ياريم نو بهاردان گئچنده
جار اولور كوكسوندن سئللرين داغلار
چالخالانير دريالار، چيغريشير غازلار
زمزم زمزمه لي گؤللرين داغلار

هاني من گوردوگوم قورقو بوستالار؟
دردمندلر گورسه لر تئز باغري چاتلار
مله شمير سورولر، كيشنه مير آتلار
نييه پريشاندير حاللارين داغلار؟

هاني بو يايلاقدا يايلايان ائللر؟
گورنده گوزومدن جار اولدو سئللر
سئير ائتمير كوكسونده طرفه گوزه للر
سانجيلمير بوخاغا گوللرين داغلار

هاني مرد ايگيتلر بوش قاليب يوردو؟
سخاوتده ائلدار نورالانور دو
اركك كسيب آغير مجليس قوروردو
شولن چكيليردي ماللارين داغلار

گوزه للر چشمه ندن گوتورمور آبي
داد وئره دهنده كوثر شرابي
خاچ پرستله دوشدو بوند انقلابي
اونونچون باغلاندي يوللارين داغلار

ساري نردن توپ تفنگين آتيلي
قيسير مورغوز شاه داغينا چاتيلي
بير امليگين بير تومانا ساتيلي
نئجه اولدي دولتين، ماللارين داغلار؟

كه پز موري، قونور نئچه داغلار وار
اوستونه نور ياغسين آي دلي قوشقار
يايين اورتاسيندا ياقديريرسان قار
صف چكيب اوستونده سردارين داغلار

حالييام ائلدارين وار جمله سيندن
ايگيت نعره سيندن گولله سسيندن
گئجه ياتمير بيربيرينين بسيندن
دگمه ميش توكولور كاللارين داغلار

حسن ننه، حسن بابا قوشادي
خاچ بولاغ يايلاقي خوش تماشادي
عارسيز عاشيق ائلسيز نييه ياشادي؟
اؤلسون علعسگر قوللارين داغلار

یازان:  عاشيق علعسگر

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: