دیلیم – تورکجه شعر


دیلیم

اگر كوك سالساندا، آنا تورپاقدا

بيتيب سرحدلر ي آشارسان ديليم

زينه بولاق كيمي هئي سيزا- سيزا

چونوب دنيزلره داشارسان ديليم

بايرامدا باشلارسان، تازا ايل كيمي

تيكاندان بيترسن، قيزيل گول كيمي

چهچه ين باشلارسان، شن بولبول كيمي

يوردوما نغمه لر، قوشارسان ديليم

نازلي كورپه لرين، ديلين آچارسان

مارال تك دولاشيق، توردان قاچارسان

قارانليق يوللارا، ايشيق ساچارسان

گونش تك قايناييب، جوشارسان ديليم

بولوت گونش اوسته پرده سالاندا

زنجيرلر ارلرين، جانين آلانادا

حق ايلن ناحقه، ديوان اولاندا

گوزله دوز يولوندان چاشارسان ديليم

((نير اوغلو)) سوزونه نادان اينانماز

هئچ كيمين لامپاسي، صبحه جك يانماز

قيلينج قاباغيندا، قيفيل دايانماز

ائللرين آغزيندا، ياشارسان ديليم

یازان:  روزبه صمدي(نير اوغلو)

2 Cavab

  1. سالام دوستوم چوخ گوزل اللرینیز آغریماسین . هله لیک .

  2. گؤزوم سنده قالیب
    قایتار ای گــول جانیمین پارچاسینی سنده قالیب
    یاریسی سنــده قالارکــن یــاریسی منده قالیب
    گــل محبتله قــوشاق پارچــالاری بیـــر بیرینه
    هله بیــر پارچـــاسیدا بوخچـــادا خرمنده قالیب
    گل گئدک ناکام اؤلــن سئوگیلی سئللردن آلاق
    ائللرین کــروانی داغــلاردا یـــاتان چنده قالیب
    باده وئر مست اولاییم بوغدو منی ، بوغدو بو غم
    بولبـــولــم داردا ، اورک وارسادا گولشنده قالیب
    بی هنـــرلر نه بیلیرلـــر هنـــــر اسبابی ندیر
    پاخیلین جسمینه بـــاخ بیر دری بیر دنده قالیب
    قوجــالیق قامتیمی بوکدو نیــراوغلوندان ایــراق
    گل گینن گل گؤزه لیم گل کی گؤزوم سنده قالیب
    25/1/88

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: