ستارخان – صابیر دن تورکی شعر


ستارخان

حال مجذوبيم گوروب قاره دئمه ديوانه دير

نعره ي شوريده مي ظن ائتمه بير افسانه دير

شاعر طبعيم دنيز شعر تريم دردانه دير

بهجتيم، عشقيم، سروريم، وجديم احرارانه دير

انجذابيم جرئت مردانه ي مردانه دير

آفرينيم همت والاي ستارخانه دير

تاکي ميللت مجمعين تهراندا ويران ائتديلر

تورکلر ستارخانيله عهد وپيمان ائتديلر

ظلم و استبداده قارشي نفرت اعلان ائتديلر

ميللته ميلليته جان نقدي قوربان ائتديلر

آيه ي ((ذبح عظيم)) اطلاقي اول قوربانه دير

آفرينيم همت والاي ستارخانه دير

حق مددکار اولدي آذربايجان اتراکينه

آل قاجارين ((پروتست)) ائتديلر ضحاکينه

اول شهيدانين سلام اولسون روان پاکينه

کيم توکولموش قانلاري تبريزو تهران خاکينه

اونلارين جنت دئييل دير منزلي آيا نه دير؟

آفرينيم همت والاي ستارخانه دير

ايشته ستارخان باخيز بير نوعي اقدامات ائدوب

بير وزير و شاهي يوخ! دونياني يکسر مات ائدوب

عرض اسلامي، وطن ناموسيني يوز قات ائدوب

حرمت حيثيت ميللتين اثبات ائدوب

ايندي دونيانين توجه نقطه سي ايرانه دير

آفرينيم همت والاي ستارخانه دير

ايشته ستارخان! ايراني احيا ائيله دي

تورک لوک، ايرانليليق تکليفين ايفا ائيله دي

بير رشادت، بير هنر گوستردي دعوا ائيله دي

دولتين بير عيني ني دونياده رسوا ائيله دي

قاچميوب پروانه تک اوتدان دئمه پروانه دير

آفرينيم همت والاي ستارخانه دير

آفرين تبريزيان ائتديز عجب عهد و وفا

دوست و دشمن ال چاليب ائيله ر سيزه صد مرحبا

چوخ ياشا دولتلي ستارخان! افنديم چوخ ياشا

جنت اعلاده پيغمبر سيزه ائيله ر دعا

چون بو خدمتلر بوتون اسلامه دير، انسانه دير

آفرينيم همت والاي ستارخانه دير

یازان:  صابير

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: