قیزلار – معجز شبستری


قیزلار

گولسیتان جهاندا دلبرا بنزه ر گوله قیزلار


وئرنده سس سسه اوخشار به عین بولبله قیزلار


محبت عالمین چون خلق ائتدی خالق عالم


او دم بولبول کیمی سالدی جهانه غلغله قیزلار


دولار عطرایله مجلس اهل عشقی بیقرار ائیلر


ووراندا شانه هر دمده او زولف کاکله قیزلار


جمالین هر زمان آئینه ده تزئین ائدر آرواد


نه اوچون اخلاقینی ائتمز مزین علمیله قیزلار


جهالت بحر بی پایاندی غرق ائیلر سیزی آخر


او دریادن گرک علمیله چیخسین ساحله قیزلار


اوخویوب یازمییان قیزلار اولار نامحرمه محتاج


گئدیب اگلشمز اغیاریله گر یازماق بیله قیزلار


سوادیز اولسا اولماز هیچ کس اسراریزا واقف


سوادیز اولماسا سیرریز دوشه ر دیلدن دیله قیزلار


پیامبر امر ائدیب تحصیل ائتمک کل ذیعقله


گرک اهل سواد اولسون تمام عاقله قیزلار


جهالت اهلی ، اهل علمه دوشمندیر ازل گوندن


عوامین سؤزلریندن اولمیون تنگ حوصله قیزلار


سالار تسبیحه یوز یول خرج ائدنده بیر قیران باجی


اله چون آلمیوب علم حسابی جاهله قیزلار


دماغین پاک ائدر یئنگیله مادرلر مجالیس ده


سیلر هم شالیله بورنون دوشه نده موشکوله قیزلار


آنا جاهیل ، بالا جاهیل ، معاذالله جهالتدن


گؤروم یارب جهاندا قالماسین اؤلسون بئله قیزلار


چوپوق آلسا اله قیزلار ، مزمت ائیله مز لر هئچ


وورارلار طعنه یوز یئردن قلم آلسا اله قیزلار


گئجه گوندوز ایشی غیبت ، او جاهیل قیزلارین معجیز


اگر واعظ قویا ، مشغول اولارلار علمیله قیزلار

شعر از : معجز شبستری

2 Cavab

  1. سالاملار اولسون سز
    چوخ گوزل بيريازي ايدي
    امما قلمين سايزي بير درجه بويوك اولسا چوخ ياخشي اولار
    سيزي گوزله ييرم

  2. yashasin oz hamshahrim.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: