کوچه شعری – تورکی دیلده


فريدون مشيري

ترجمه :علیرضا ذیحق


كوچـه

كوچه‌دن آيلي گئجه‌ سن يوخ ايكن من كئچه‌ره ك

سن ايچون تام ووجودوم بيرگؤز اولوب هر يئري گزدي

وارليقين‌دا قدحه اوخشاري واردي

سني گؤرمك هوسيله داشيري

اولورام من ده همان سئوگيلي عاشيق

دلي چيلغين يئنه جاندان سئويري

جان ائويمده گول اولوب پارلادي يادين

باغ اولوب گولدو بوداغين

عطر اولوب ساچدي خيالين

ياديمدادير گئجه چاغي او كوچه دن كئچمه‌ ييميز

قول آچيب قاناد چاليب كيم اولمادان گزمه ييميز

اوتوروب آخار سويا گؤزتيكه ره‌ك  باخماغيميز

دونيانين سيرلاري آخماقدا قارا گؤزلرينه

حيران‌ ايديم گؤزه‌ليم من ده سنين گؤزلرينه

گؤي اوزو صاف گئجه آرام

بختي ميز شاد، زامان آزراق

آي‌دا سالخيم‌لاريني سو اوزونه تؤكموش‌ايدي

بوداق‌لارين أل آياقي آي اوزونه چؤكموش ايدي

داش‌دا گول ده گئجه‌ده چؤل ده بوتون وارليقيني

اونودوب آخميش ايدي دان اولدوزون ماهني سينا

هله‌ده اونوتماديم سن دئديگين سؤزلري من

بو عشق دن كنار گزيب

آخان سويا نظر قيليب

سو دئديگين آيناسيدير

تئزجه قاچيب چيخيب گئدن عشق‌لرين سئودالارين

سني كي بوگون باخيش‌لارين بير سئو‌گي‌يه ماراقلي‌دير

باخ صاباحا اؤز كؤنلونه اؤزگه‌لره آسلاقلي‌دير

اونودوب آتماق ايچون بو عشقي سن، چيخ‌سفره اوزاقدادور.

سؤيله‌ديم بو عشق‌دن واز كئچه‌مم

سندن قوپوب من سفره چيخماغي هئچ باشارمارام

باشارسام‌دا ائده‌نمه‌رم

ايلك گوندن كي‌كؤنول بوسئوگي‌يه قانادلانيب

بير گؤيرچين تكي من داميزا هي- هي قوناراق

سن منه‌داشدا ووروب قووماغا هي داشلاناراق

هئچ قورخماديم، هئچ قاچماديم.

سؤيله‌ديم سن اووچوسان من ده بو داغين‌ مارالي

تورونا دوشمه‌گه يئر قالمادي گزديدم يارالي

بو عشق‌دن و از كئچه‌مم ، باجارمارام ائده‌نمه‌ره‌م

گؤزياشي آخدي بوداقدان

گئجه‌ني قوشدا قاناد چالدي اوزاقدان

اينجي‌ييب آغلادي اوچدو

گؤزياشين تيتره‌دي گؤزده

آي‌دا گولدو عشقينه گؤي‌ده

ياديمدادير باشقا جاواب سونرادان هئچ آلانماديم

آغلار قاليب غصه‌دن هئچ اويانماديم

بو عشق‌دن كئچن‌‌مه‌ديم

هئچ قورخماديم، هئچ قاچماديم

كئچدي ظلمت‌ده بوتون غمده گئجه، هم اوگئچه هم ده صاباحلار

و ورغونوندان عاشيقيندن آلمادين هئچ ده خبرسن

نه ده اصلا كئچي‌سن كوچه‌دن هردن.

سن سيز آمما نه دئييم نه كئفده كئچديم كوچه‌دن.

ترجمه تاريخي    7/8/79

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: