کیتاب گونوندن گوزاریش یازان: ي.ج .تورك اؤيره نجي


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

يانديريلان كيتابلار
پاييزين سوْن گوﬞنلري قيشين گليشينه چوْخدان حاضيرلانميش. شاختا دوﬞشوب. قارين دن- دن يئره ائنمه سي
شهري بامباشقا بير دوروما گتيريب چيخارميشدير. شهر بوْغوقدور. داريخديريجي دير. اوﬞره ك سيخيجي دير. نه ايسه بير شئيلر اوْلموش بو گوﬞن. دوْغرودور… تاريخ آراباسي 58 ايل گئري دؤنور . ايللر سوْنرا آزادليق داديني دادان تبريز ، اينانيلماز بير فاجيعه يه بئشيك اوْلاجاق. نئچه گوﬞن اؤنجه سي باش وئرميش جينايتلردن، اؤلوم بايراميندان، سوﬞرگونلوكدن و … دانيشماق ايسته ميرم . آذر آيينين 26- جي گوﬞنو ، هله تبريز كوﬞچه لرينده دوْنوب خيياوانلارا ياپيشميش اؤلولر ييغيشديريلماميش، توﬞركجه يازيلان كيتابلاري يابانجي ديلي دير دئيه- آذربايجانين اوﬞره يينده اوْدا چكديلر. يوﬞزلر دويغو، دوﬞشونجه و گؤروش گؤز ياشلاريندا ابدي لشدي.
همن سوْيوق، قارلي گوﬞندور. آنجاق 58 ايل سوْنرا. و يئنه يانيق دويغولار اوﬞره كلرده دوستاق. و يانيق دوﬞشونجه دن تؤره نن كؤز ميللي فاجيعه ني آنماق ا وﬞچون قرار وئريب ، تبريزده بير چوْخ سايي دا ميللتچي
بير يئره توْپلانديلار . آنجاق بو توْپلانتي گوﬞن بوْيونجا ان ياخين يوْلداشلاردان اوْلوشان قوروپلار شكلينده ايدي. بيزده باشقا يوْلداشلار كيمي حاضيرلانماقداييق . بازار آغزي گؤروشولوجك يئريميزدير. هامي گلدي. بئله بير گوﬞنده آزادليق اوغروندا جانلاريني دا بئله اسيرگه مه ين آذربايجان ايگيدلرينين قالينتي سيني گؤرمه مك اوْلارمي هئچ؟ بو اوﬞزدن اؤنجه مشروطه ائوينه گئتمك مصلحت گؤروندو. بو ائو عادي بير ائو دئييل. دووارلاريندان، داشلاريندان ، آغاجلاريندان، هاواسيندان آزادليق سسي ائشيديلير. موزئيدن گؤروش ائديب خاطيره دفترينه ا وﬞره ك سؤزلريميزي يازديق. ا وﬞره ييندن يارالي بير ميللتين ائولادلارينين سؤزو آرتيق بللي دير. موزئيدن بير كيتاب ساتاغينا يوْلا دوﬞشدوك . يوﬞزه ياخين آدامين شهرده بيرگه يوﬞرومه سي چئوره ده كي اينسانلاري دا تعجوبلنديريردي… يئتيشديك. ساتاغين بؤيوكلويونه باخماياراق يوْلداشلارين چوخونا يئر اوْلماميشدي و اوّْنلار ائشيكده ساتاغين بوْشالماسيني گؤزله ييرديلر. آما آلاي- آلاي (دسته – دسته ) كوﬞلتور سئونلرين ساتاغا آخيني بونو ساغلاميردي. بو ايشين نده ني  نه ايدي؟
فيكيرداشلار بئله بير قرارا گلميشديلر كي ، يانان توﬞركجه كيتابلارين خاطيره سينه هره بير توﬞركجه كيتاب آلماقلا بو آجي گوﬞن ياددا ساخلا نيلسين . ايچلرينده شاعير ، يازيچي ، اؤيره نجي، اؤيره تمن و باشقا صينيفلاردان اوْلان فيكير داشلار چوْخ ماراقلا توﬞركجه كيتابلاري اؤزلليكله اوشاقلاراوﬞچون توﬞركجه درسليك  كيتابلاري سئچيب آلديلار. آذربايجانين بؤيوك شاعيري” صمد وورغون “ون « يانديريلان كيتابلار» آدلي شعري اوْخوندو. ساتيجي نين دئييشينجه گوﬞن بوْيونجا بير آندا بئله ساتاق بوْشالماييب . و ساتاغين كيتابلاري قورتولماقدادير. بو گوﬞن بو اينانيلماز قاشيلاما تاريخي دوشمن لريميزه آغير بير قارشيليق اوْلدو. و آذربايجانليلار بير داها « ازل باشدان دوشمنيمدير اوﬞزو موردار قارانليق» هارايينا قوْل چكديلر.
بئله ليكله آذربايجان بير آجي اوْلايين ايل دؤنومونو گله جه يه اومود ايله آغيرلادي.
ي.ج . توﬞرك اؤيره نجي  ( 27/ 9/ 83 )

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: