انشاللاه – معجز شبستری نین تورکی شعری


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

انشاللاه

ساقييا آخر شعبان اولاجاق انشاللاه،

رمضان وارد ايران اولاجاق انشاللاه.

عيد نوروز بو ايل نقل مكان ائيله يه جك،

توتاجاق روزه مسلمان اولاجاق انشاللاه.

شب نوروز خضاب ائيله يه جك مؤمن خاص،

ساققالي مثل باديمجان اولاجاق انشاللاه

دوراجاق وقت اوباشدان ، يئيه جك بوزباشي،

چيخاجاق دامه اذان خوان اولاجاق انشاللاه.

ائله کي، قيلدي نمازي، اوخودو تعقيبات

سويونوب پالتاري، عريان اولاجاق انشاللاه.

ناگه اوغلان آييليب ائيله يه جك آه و فغان،

مرد ديندار هراسان اولاجاق انشاللاه.

او چيغيرديقجا ده ده قاشقاباغين تورشوداجاق،

کيشي نين حالي پريشان اولاجاق انشاللاه.

عورت آييلماجاق، پس قاپاجاق يارماچاني،

خانباجي  قانينا غلطان اولاجاق انشاللاه.

پيشه جك کوفته، کباب و ته ره ك و شير برنج،

مؤمنين رزقي فراوان اولاجاق انشاللاه.

يئيه جك نعمت بسيار  ، ايچه جك چاي کثير،

شيشه جك معده سي باردان  اولاجاق انشاللاه.

ائله کي، باسدي کسالت کيشيني يوخلاياجاق،

چكه جك خورنا اوباشدان اولاجاق انشاللاه.

گئده جك مسجده، واغظ دئيه جك جنتدن

عاشق حوري و قيلمان اولاجاق انشاللاه.

يا اوروجلوق اونو مرحوم ائده جك يا قوجاليق،

آبِ کوثر ايچيب اوغلان اولاجاق انشاللاه.

ساقييا ائيله مه غم، ماه مبارك بيته جك،

ماه شوال نمايان اولاجاق انشاللاه.

وئره جك فطره سيني حاج، مشدي، کربلايي،

فقرا صاحب ميليان اولاجاق انشاللاه.

عيد جمشيد بو ايل اولدو مه صوما غلام،

قورخما ساقي گئنه سلطان اولاجاق انشاللاه.

ايكي ايلدن سورا بايرام قوياجاق باشينا تاج،

وطن عاشقلري خندان اولاجاق انشاللاه.

معجز اثبات وجود ائيله يه جك ميكده ده،

ايچه جك باده، غزلخوان اولاجاق انشاللاه.

ساققاليندان آخاجاق چاك گريبانينا مئي،

باخاجاق خلق اونا، حئيران اولاجاق انشاللاه.

دئيه جك بابييا قارداش، توتاجاق گبرين  الين،

سيخاجاق شوقيله انسان اولاجاق انشاللاه.

معجز شبستری

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: