اس ام اس آدیندا گوزل و گولملی تورکی شعر


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

Sms  اس ام اس

بیلمیره م   گلدی   بیزیم  اولکویه    هاردان اس ام اس

هی  وورور  بیر بیرینه  گونده  قیز اوغلان اس ام اس

یوز گیره م گوشی یه باخ گور نه اویوندان چیخیری

منه  بو   آیدا   گلیب    نم  نئچه    باتمان اس ام اس

منی ( مرجان ) ده ييشيک سالمیشیدی  (پژمانیلان)

بیر ساعات گئچمه دی ووردی منه دوخسان اس ام اس

هانسی  مسئول  کی قویور آزجا( بارا) فوری صاباح

دالیسیجان   یاییلیر  اللی   بئش   عنوان اس ام اس

شککی شوبهه  گوتوروبدور منی گاهدان   دئییره م

ووروری  اولمویا  موسلمانلارا  شیطان اس ام اس

(اوره گیم سنده ن اوتور بیرتیکه دیر جان  بسره م)

بونی (سولطان علی) یه یوللادی (سولطان) اس ام اس

(گه لیسن ! یا اوزومو  دامدان  آتیم    کرمه لیگه)

بونی دا  ( شاه صنمه )  یوللادی(  سلمان) اس ام اس

بیر  نفر  وار   تانیرام  اه  ده دوونجه    یاناسان

آد  قویوب   هاممی   اونا  شهریده  (لینچان) اس ام اس

ایشی   داییم   اس ام اس دیر  گو جو  داییم ام ام اس

هی   یازیر   خلقه   سحر  آخشام   اوباشدان اس ام اس

وئرقینن وورسین اه ده بسدی داغیلسین  توفغون

گوروم توتا سان ام اس هی   داغیدیرسان  اس ام اس

خبریم  واردی  وئریب   چوخلارین  آخیر  گودازا

خبریم واردی  ائدیب   چوخ  ائوی   ویران اس ام اس

****

ایندی  بیر ( ره لی)  سی میدانه گلیبدیر کی اونا

اللری   سینه ده   سویلر  ( بلی قوربان) اس ام اس

اونا  (خط) اهلی دییر ائل ده( دمیر) خان (بولوتوث)

اکیلر گورجه ک  اونی (جین) کیمی دالدان اس ام اس

*****

دوتدی هرکیم  سنی   آتدی (صله یه  ارحامی)

یئره   گلسین گوروم آخیر سنین آرخان اس ام اس

بورخولیدی توپوغون کاش سه ریلیدین یئره سن

کاش سینیدی یئخیلان یئرده قابیر قان اس ام اس

یوخ غلط سویلدیم اصلن گوناهین یوخدی سنین

کوسمه  منده ن   یوزونی  ایلمه پنهان  اس ام اس

اوز یئرینده سنی ایشله تمه یی اورگه شمه میشیک

اولموشوق ایندی آیاقدان باشا پشمان اس ام اس

گره ک (الگوی مصاریف لری اصلاح) الییه ک

یوخسا قاللیق دالی بو دهریده هر آن اس ام اس

هر شئیین بیز( شورون) اوولده چیخاردیب یی یه ریک

گلمیشیک ( پیس بارا) بیز میللتی ایران اس ام اس

سولطان: اسم زن است

کرمه لیگ: محلی در روستا که فضولات دامی را در آنجا می ریزند

شعر : شهودی2/1/88

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: