آذربایجان ماهنی سؤزلری


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

سنین گولوش لرین

سؤز : میکاییل موشفیق

قارشیمدا نازلانیب یئنه گولورسن

بیلسن گولوشلرین نه یه بنزه ییر؟

من دئسم آرتیق دیر اؤزون بیلیرسن

لاله یارپاغیندا شئهه بنزه ییر.

جاهان کی سولمایان بیر باغچا- باغدیر

بوردا روامیدیر گولمه دن اؤلمک

یازیق او شخصه کی قارا قاباق دیر

نه قدر یاراشیر اینسانا گولمک .

سنین گولوش لرین بیر روزگار کیمی

اسرکن آرزومون گولو آچیلیر

گولسه دوداقلارین اولدوزلار کیمی

روحوما بیر سرین ایشیق ساچیلیر.

سنین گولوش لرین یاز سحری تک

فیکریمه- روحوما سانکی رنگارنک

گول کی شعیرلریم گولوش لریندن

قیریلماق بیلمه ین بیر آهنگ آلیر.

سؤیله گؤزللرین دوداقلاریندان

بو اویناق گولوش لر اومولموشمودور؟

سنین هر قهقه هن آی کناریندان

کئچن بولودمودور اوچان قوشمودور.

پنجره

سؤز- موسیقی : عدالت شوکوروو

سنین پنجره نده یئنه یانمیر ایشیق

یئنه سن ائوده ، بیز کوچه ده قالمیشیق

قارانلیق گئجه ده گؤزومون ایشیغی

نه اولار پنجره دن باخسان آشاغی.

یاشاماق چتین دیر بو عؤموردور قیسا

گل باریشاق اونوداق بیز کئچن لری

دیلیم سندن باشقا بیر آیری سؤز دئمیر

کؤلگم آرخانجا گزیر بو کوچه لری .

اولان اولدو کئچدی، سن اینجیمه مندن

چوخ ایتیردیم حیاتدا هئچ نه تاپمادیم.

بیر کلمه شیرین سؤزایسته ییرم سندن

بیر ایمکان وئرمنه عؤمرومه قاییدیم.

گئجه نین بو چاغیندا،سن ایستی اوتاغیندا

نغمه دئییرم من سنه بو حیط ده

سحره جن پنجره نه باخان منم من

سحره جن بو ماهنینی اوخویان منم

سحری گؤزلریمله آچان منم من

دنیز رنگلی گؤزلرده باتان منم من.

قوربان اولدوغوم

سؤز : بهمن وطن اوغلو

موسیقی : آشیق هاواسی « چین دیواری»

شهلا گؤزلرینه قوربان اولدوغوم

اوره ییمی کامان ائیلر ،ساز ائیلر.

منی جاوانلیغا بیرده قایتارار

قیش عؤمرومو باهار ائیلر، یاز ائیلر.

بزه ییب دیر طبیعت ین اؤز ألی

اؤزو شیرین ، سؤزو مئیلی – مزه لی

آلا گؤزلو آذربایجان گؤزه لی

یئریینده یئره یوردا ناز ائیلر.

« بهمن» دوروب قصدیمیزه اؤ گؤزه ل

اود سا لیب دیر قلبیمیزه او گؤزه ل

سایه سالماز اوستوموزه او گؤزه ل

حئیف بیزه گوذرانی آز ائیلر.

یالوارا- یالوارا

سؤز : میروارید دیلبازی

موسیقی : آشیق ماهنیسی

نه گلیرسن چیخام یولا

ائویمیزده شادلیق اولا

سئویندیییمدن آز قالا

گولم آغلایا- آغلایا.

هئچ اولماسا سسین گله

شاد خبرین دوشه دیله

منده دؤنم قیزیل گوله

غؤنچه باغلایا- باغلایا.

میضراب ووروب غملی سیمه

یوخلوغونو دئییم کیمه

یاشاییرام اوره ییمه

من داش باغلایا- باغلایا.

گؤروشنده باخیشلار

گؤزله دیم یولونو هر سحر آخشام آلا گؤزلوم.

قالمادی حسرته ، هیجرانا دؤزوم آلا گؤزلوم .

هر آغرینا ، عذابینا دؤزه رم.

مجنون اولوب داغی – دوزو گزه رم.

ندیر بو حسرت یاندیریر منی ، یاخیر منی.

راحات بوراخماییر آرزو منی ، دویغو منی.

سن سیز منیم هر بیر آنیم ایل اولور.

سئون قلبیم یانیراودا کول اولور.

گؤروشنده باخیشلار ،باخیشلار،

سئون اوره ک لریمیز دانیشار،

گؤیده اولدوزلاریمیز باریشار،

سئوگیلی لر گؤروشنده.

سئودیره بیلمه دیم اؤزومو سنه

سؤز : نوصرت کسمنلی

دلی کیمی سئودیم گؤزل دلینی

گول وئردیم یاندیریب یاخدی الیمی

سئچیب جومله لرین ان گؤزه لینی

تیتره ییب سؤیله دیم سؤزومو سنه

سئودیره بیلمه دیم اؤزومو سنه

آلیشیب یاناردیم کؤز ایسته سه یدین،

بیر نغمه اولاردیم سؤز ایسته سه یدین،

منی گؤرمک اوچون گؤز ایسته سه یدین،

کور قالیب وئره ردیم گؤزومو سنه

سئودیره بیلمه دیم اؤزومو سنه

حسرتی ، ووصالی قوشا سئودیردیم.

اوشوین اه نیمی قیشا سئودیردیم.

یالین آیاغیمی داشا سئودیردیم،

تانیدا بیلمه دیم ایزیمی سنه

سئودیره بیلمه دیم اؤزومو سنه.

سنه هر مکتوبو یازدیم قانیملا

روحوملا ، جانیملا ، هیجانیملا

سئوینجله اؤلردیم اگر بونونلا

باغیشلاسایدیم من عؤمرومو سنه

سئودیره بیلسه یدیم اؤزومو سنه.

دونن تویون ایدی

سؤز : نوصرت کسمنلی

موسیقی :

ساغلیق لار دئییلدی چیغیر- باغیرلا

اوشوین قلبینه گیرن اولدومو ؟!

گؤزوندن قلبینه دوشن جیغیرلا

آخان گؤز یاشینی سیلن اولدومو ؟!

ساغلیق لار اوزاندی سحره کیمی

چالیب اوینادیلارکئف ائیله دیلر.

چیرپیب پیلله لره سون اومیدیمی

« واغزالی » اوستونده دفن ائیله دیلر.

یولونا شام توتدو نئچه قیز- گلین

شام دئیل او منیم اوره ییم ایدی

سون دفعه یانیردی یولوندا سنین

گئتدین او کؤهنه یول، نور یولو ایدی

اؤزگه یله کئچیردین او یولو ایندی

آیاغین آلتیندان یئر قاچمادی کی ؟!

باشینا گول چیچک سپدیلر او گون

آلیشان قلبینه سو سپمه دیلر.

«گئت» دئییب آلنیندان اؤپدولر او گون

سینیق طالئعینی دوزتمه دیلر.

گولدون گولوشونون عؤمرو چوخ قیسا

اوردا بوتون یئرلر توتولموشدوسا

یئریم گؤرونوردو یانیندا سنین.

دونن تویون ایدی، خوشبخت اولاسان !

گؤرونور بو بیزه قیسمت دئیلمیش

اونوت ! ائله بیل کی سئودییین اوغلان

گئتدییین اوغلانمیش ، « نوصرت » دئیییلمیش.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: