ائل دردی بیزیم دردیمیز + تورکی شعر


دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

ائل دردی بیزیم دردیمیز

ائل دردی بیزیم دردیمیز اولموشسا ازه لده ن

تاریخ یازاجاق کیملیگیمیزده ن هیمیمیزده ن

دونیانی توتان وار سسیمیز بیر هاراییق بیز

ایسته ر سینه میزده ن قوپا ایسته ر سسیمیزده ن

زنجیر کیمی آسلان دوزولوب بیر سیرا ایندی

دوشمن داغیدان اوردوموز هم سنگه ریمیز وار

اوزگورلوگون عئشقینده دوروب چارپیشیریق بیز

بابک، نبی، ستار کیمی مین لنگه ریمیز وار

بئینین دولو تدبیرله دوروب چاره ائده رسن

قلبینده ائلین حؤرمتی هم زحمتی اولسا

زنجیرله ری قیرمیش یئتیشه رسن یئکه له رسن

پیوسته باشین نیفرته یوخ سئوگییه دولسا

تورپاق ناموسوندور،اونا سنسن می قوروقچو

او هم آتادیر،هم آنادیر ساخلا قانینلا

اوز میلله تیوین وارلیقینا سؤیکنه سن گر

ایلله ر ابدیلیک یاشایارسان خوش آدینلا

اینسان کیمی صادیق اولاسان اوز گؤره وینده

قارتال کیمی گؤیله رده اوچوب آزاد اولارسان

خالقین اوره یینده سالاسان عئشق ایله بیر یول

ائلده ن کام آلیب،سرخوش اولوب دیلشاد اولارسان

ائل سنگه رینین ارده میسن ائی ده لی قانلی

دؤن گل وطنه گؤزلمه ایغیاریده ن ایلهام

خوشبخت لیک آختارما سوسوزلار دیاریندا

سنسن بو ائلین دردینه چاره همی ملحم

ائل ده بله رینی هممشه کؤکسونده دولاندیر

هر یئرده چالیش تورکلوگون قانینی گؤسته ر

سن میلله تینین دردینه درمانسان عزیزیم

یوردو سئوه نی،دونیادا هم تانریدا ایسته ر

گل عومرونو بیهوده سوروب شهوته یانما

ائل کورکو بورونسن ابدی شوهرت آلارسان

ناموسسوز آدام آخیره تینده اوتوزاندیر

اوز یوردونا قوللوق ائله سن هر نه تاپارسان

تورپاق سنه قئیره تدی،ناموسدو همی آردیر

تورپاقین آتان سانکی شرفسیز بیر آدامدی

میللت سنه قارداشدی،حیاتدی همی یاردیر

میللی گوره وه اوز چئویره ن حئیوانا تایدی

گل اللرینی ائل الینه وئر یوموروق تک

تکلیقده سنین تک چوخونون باشی اوزولموش

سال سال قایالار تک دایانیب حاققینی ایسته

بیرلیقده ائلین دوشمانینین باشی ازیلمیش

گئن گئن دولانیب میلله تینی جنکه چاغیرما

گل جبهه ده گوسته ر فیکیرین وارسا افندیم

آزادلیقین عئشقینده سنین تک یانیریق بیز

بیهوده خیاللار کیمی افسانه ده یاندیم

ائی…قوربتده کی ارله ر،سیزه قورباندی جانیم

بیرلیق زامانی دای یئتیشیب بیلمه لی ییق بیز

دوشمن اؤلودور،بیر هیم ایله او،ییخیلاندیر

وئرسن ال-اله عوصیانا دای گلمه لی ییق بیز

سن بیر مئشه نی توت نظرینده فیکیر ائیله

مینله ر آغاجین قودره تی قوپماز کی یئرینده ن

تک-تک اولاری بالتا ووروب شاققالایاندی

بیر اولسالا مین بالتادا توتماز کی توکونده ن

قورد افسانه سی بیرلیقده یارانمیشدی ازه ل

هر بیر شیکارا بیر نئچه قورد ال-اله وئرمیش

دوشمن نه قده ر گوجلو پارچالایاللار

یالقیز دوشه گردوشمن اونو پارچالایارمیش

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: