دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
سنده قوجالدون
ای دادیله بیداد گوزل سنده قوجالدون
سالدی سنیده دست قضا بنده قوجالدون
حسنونده اولان رنگ ولطافت هارا گیتدی
عشاق لارا اولدون بئله شرمنده قوجالدون
بیر گونکی دییردیم مارالیم گل بیزه هر دم
ایندی دیورم گلمه بو دربنده قوجالدون
آتمیشدون او گون گولشنی بیر روضه ء رضوان
ایندی سنه یئر یوخدی گلشنده قوجالدون
عشاق دوشردی دالیوا دسته به دسته
حتی قوشولاردیم اولارا منده قوجالدون
سندن گوتورولدی او صفای ملکوتی
اولدون داخی ابلیسه نماینده قوجالدون
باخجاق یوزیوه گول کیمی قلبیم آچیلوردی
ایندی سنی گورجک قاچورام کنده قوجالدون
ضرب المثل آتمیشدی سنون حسنوی یاران
قویموش سنی ایندی هامی ریشخنده قوجالدون
بیر زلف که بنزردی لطافتده قباقندا
اولدون نیه بس بویله سرافکنده قوجالدون
بیر نخل ثمر بخشیدی بو قامت شمشاد
ایندی داخی لاییق دگی پیونده قوجالدون
سانسور
سانسور
بیرعده گزردی سنیله سایه بسایه
قاچدی هاموسی اولدی پراکنده قوجالدون
هر چند کریمی قوجالار شعری قوجالماز
بنزر هاموسی شکره گلقنده قوجالدون
کریمی مراغه ای دن گوزل بیر شعر
Filed under: کریمی مراغه ای,تورکی شعرلر Türkcə şeirlər | Tagged: مراغه ای,کرمی مراغه ای نین تورکی شعرلری,کرمی مراغه ای شعرلری,کریمی,کریمی مراغه ای,گولملی شعر,گولمه لی شعر,گولمه لی شعرلر,آذربایجان شعرلری,اشعار ترکی,تورکی شعر,تورکجه آذری شعر,ذاکر کریمی مراغه ای,سنده قوجالدون,سنده قوجالدین,شاعر آذربایجان,شعر آذربایجانی,شعر خنده دار ترکی,شعر طنز ترکی,شعرلر,شعرهای طنز ترکی آذری | Leave a comment »