دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
ياز سؤزون
اي عندليب باد خبر ، ياره ياز سؤزون،
اما جواب وئرمه سه گول، خاره ياز سؤزون.
بو عصر، عصر علم و آتابتدي ٤ دلبريم،
قرطاسا ممكن اولماسا، ديواره ياز سؤزون.
ملا دئيير: حرامدي، سيندير قافاسيني،
قانه باتير ميداديوي دستاره ياز سؤزون.
اولما رضا آي، خلق بيله حال زاريوي،
اؤرگن اؤزون آتابتي سرآارا ياز سؤزون.
ديوار مو مكن اولماسا، زلف معنبرين،
ائيله ميداد، عارض گلنارا ياز سؤون.
عطار نيسيه وئرمه سه لوح و قلم سنه،
بارماغيوي باس آغزيوا هموارا ياز سؤزون.
معجز شبستری
**************
بايرام گونو
بايرام گونو دوشابي تؤآنده پياله يه،
قورخوم بودور يوغوردو اوشاقلار يارالييه.
دولماي زردي ائيله زيارت آناردن،
اما فقط توخونما مربّاي آلييه.
بالنگ و پوسته خونچادا زينتدير، اي عمي! ؟
وجهي نه دير هجوم ائديسن اول سلالييه
مين زحمت ايله اول قارا دولما گليب اله،
ياران، بوراخين اونو، يوخسول يارالييه
بوشقابِ فيرنييه ائله آج باخما، بي حيا،
يوم گؤزلرين آي، مرغ ديليم گلدي نالييه.
خلق ائيله ييب او بالي، تماشا اوچون خدا،
خلق ائتمه ييب آي، خلق يئيه، يا آي يالييه.
پونزاسين آلميشام خامانين اوچ قيرانا من،
بير قدري ساخلايين من باشي بلالييه.
قويسون يئره هميشه گرك سجده گاهيني،
هر آس جهاندا ائيله ييب عادت ايمالييه.
گل بير اؤپوم او لعل لبِ آبداردن،
اي مهربان، چكيل قاباغا، قاچما دالييه.
يارب ، جهاندا وارميدي بوندان عزيز شئي،
معشوق ناز ائده، قاچا، عاشيق قوغالييه؟
قاچسا نيگار، گلمه ز اله، سن ده قاچ، يئتير،
توت قوللارين، باس آلتيوا، قويما چابالييه.
معجر خدادن ايستيري بير خلوتي اوتاق،
تا سنله خلوت ايشلريني بير تازالييه.ل
پستان ياري وئردي نيشان چون صبا منه،
باخديم، دئديم آي، هذا جنات عالييه.
ياري، او گؤرمه ميش، ائله بير باسدي باغرينا،
گويا آي، ماللا مؤهرونو باسدي قبالييه.
وئرميش جلا جماليوه نقاش ذوالجلال،
حاجت نه دير موشاتا جمالين جلالييه.
ائتميش سپاه عشق صدف ديشلرين سنين،
بنزه ر نه چوخ دهان لطيفين آلالييه
استانبولو وداع ائله، تئز گل، عمواوغلو جان،
بحر سياهي قورخورام آلمان مينالييه.
قديم اولوب خميده چوخور خاندا ،عمقيزي،
گللم اورا، اگر گئده بيلسم جبالليه.
سن شريفي چون آيشي نين گلدي اللييه،
لازيمدي بيغ و ساققالين هر گون حنالييه.
بورجون دوشنده ياديما حاليم خراب اولور،
سيري اودور آي، ضب باسيرام هئي جيغالييه.
ملك گونئيده يوخدو سنه مثل، معجزا،
آيمدير يازا نظيره بو شيرين مقالييه
٦/شمسي / ١٢٩٦ قمري ١٣٣٦
*************************
اولاجاق
دئييله ساققال و بيغ عازم عراق اولاجاق
ساقال ملكلري نين قول قيچي چولاق اولاجاق.
او قيل لاريكي، ائدردي جواني مثل گئچي
نه از براي خدا ، بل زخوف تكفيرچي،
او قيل لاري وئره جك باده اولگوج و قايچي،
جوانلارين اوزو مانند چيلچيراغ اولاجاق.
او زولفلر آي، بحكم آخوند بد بنياد،
اولاردي اولگوج اوستا رضا ايله بر باد،
او زولفلر قالاجاق باشدا تا الي مرداد،
باخيب او زولفلره خلق خوش داماق اولاجاق.
او گئن تومان آي، گئيه ردي مقلدان عرب،
سالاردي ليفه سينه باغ، اولاردي بير مرحب،
او زير جامه ، او شلواربند لامصب،
مع دؤورييه بيزيم ملكدن اوزاق اولاجاق.
او آؤينكي آي، قولون چيرمالاردين، اي سرور،
وئره ردي خلقه آسالت دؤشونده آي قيللر،
بوراخ او حالي، دگيش حالتين سني حيدر،
دگيشمه سن، ايچيميزده گئنه نفاق اولاجاق.
عباني قوي يئره، دون گئيمه، چست و چالاك اول،
گرانبها و سبك وزن ، مثل ترياك اول،
سوادسيزسان، اوخو، ياز و صاحب ادراك اول،
آي، علمسيز آيشي بوندان سورا اولاق اولاجاق.
گر آغزينا گتيره “من تشبّه” ي بيرده،
جنازه سي قالاجاق اوچ گون، اوچ آئجه يئرده،
او ماللا آي، دئيه جك هنده منده منبرده،
مكاني نوجه و ياخود ساووج بولاق اولاجاق.
داها قويولماياجاقدير باشا پاپاق مهيب،
و شب آلاه عجيب و غريب و بد ترآيب،
چه روضه خوان ، چه مؤذن ، چه عرشه خوان ، چه خطيب،
قيافتا هامي يكرنگ و يك ساياق اولاجاق
. ٣١ تاريخ: ١٣٠٩ شمسي
**********************
گئنه واردير
بو دلبر صد ساله ده حالت گئنه واردير،
گيسوي سفيدينده طراوت گئنه واردير.
حالا گزيري مرغ خيالي آرالاردا،
گول غنچه لبينده او لطافت گئنه واردير.
گرچه تؤکولوب ديشلري، ميمونا دؤنوبدور،
اما يئريشينده او نزاکت گئنه واردير.
تغيير تاپار حالتيميز، عادتيميز يوخ،
حمامدا، مسجدده کثافت گئنه واردير.
گز چمچه آوناني ، ليواني ، کوزه کناني،
قابلاردا، قاشيقلاردا، بدايت گئنه واردير.
قرآن اوخوماق، بئز توخوماق،کوفته پيشيرمك،
اولكي ترقي، او تجارت گئنه واردير.
گرچه چوخاليبدير پينه چي، فالچي، ديلنچي،
آمما نه دئييم، کشف و کرامت گئنه واردير.
ائيلردي ازه ل خسته و سيسقا ، قوجا، جاهيل،
هر آي باشي بير دفعه حجامت گئنه واردير.
هر درده دوا گؤيزيره ، جوشنده ، ايماله،
شوکر ائيله خدايه، او طبابت گئنه واردير.
هر ائوده بئش آلتي باشي داز قيز، کئچل اوغلان
حمامدا فرياد و قيامت گئنه واردير.
مايلدي کفن گئيمگه، باش يارماغا قارداش،
حمد ائيله رم آللاها ، او عادت گئنه واردير.
شالوار گئيه لي هر برکت گئتدي دئييرلر،
شوکر ائيله باجي، گئيمه ين آرواد گئنه واردير.
کيمدير کي، دئيير گئتميري عورت نوغا ايندي
شوکر ائيله باجي گئتمه ين آرواد گئنه واردير.
آغ، چاق قيچي آللاه ياراديب بنده سي گؤرسون،
گئت آهريزه بير باخ، او رذالت گئنه واردير.
ايام محرمده قديم جرگه گئدرديك،
ترك اولدو، ولي اؤزگه جنايت گئنه واردير.
کؤهنه دي دئسه م سؤزلريميز، مسجده گئتديم
غصه ائله مه، تازه روايت گئنه واردير.
يوخدور تازا سؤز، بيلمه لي سن مرثيه خواندا،
معلوم اولونان وحي و رسالت گئنه واردير.
رمالدا، درويشده، ايلانچيلاريميزدا،
تاثير نفس،کشف و کرامت گئنه واردير.
ترك اولدو شبسترده فقط دسته شاخسئي،
تبريزده ارباب شجاعت گئنه واردير.
معجز ! دئمه ديم من سنه بو سؤزلري يازما؟!
اول واريدي سنده سفاهت ، گئنه واردير.
معجز شبستری
******************************
اولسون گرك
مجلس عشرتده دايم ساز و يار اولسون گرك،
عارضي گولناره بنزه ر بير نيگار اولسون گرك.
دلبرين زولفو شبِ يلدا ، جمالي چيلچيراغ
لبلري خوشرنگ، وضعي آبدار اولسون گرك.
يازديلار بو مصراعي بير نامرادين داشينا،
“نفسينه مغلوب اولان خاك ايچره خوار اولسون گرك”
صاحبِ ويجدان اولان هم نوعونو خوار ايسته مز،
بير پريشانحال گؤرجك بيقرار اولسون گرك.
بير جوانين من دونن گؤردوم جيبينده يوز تومن،
ايندي بير ديناري يوخ، باعث قومار اولسون گرك.
واعظ بي مدرآين باشي نه قدري زنده دير،
آنج غربتده جوانلار اختيار اولسون گرك.
برفي آنبار ائيله ميش گؤيلرده چون خلاقيميز
يئرده ده اعيانيميز آنباردار اولسون گرك.
در حقيقت آرخاسيندا اولسا يئتميش مين هؤره ك
حور عينين آله سي مثل چنار اولسون گرك.
بيغلاري متروش بير اوغلانا باخديم غيضله
سؤيله دي: بيغ ساققال ايله همعيار اولسون گرك.
حق اؤزو عالمدي صنعتكار يوخ ايراندا
ايستكان و نلبكي گؤيدن نثار اولسون گرك.
مصلحت بيلسه دي خالق، خلق ائدردي ماشيني
خلق ائديب ائششكلري، ملت سوار اولسون گرك.
دائما بيز ملتِ ناداني ارشاد ائتمگه،
بير پيمبر، بير علي ، بير ذوالفقار اولسون گرك.
يا گرك تزوير ائدم، يا باش و جانيمدان آئچم،
عؤمرو باشا وئرمه گه شام و ناهار اولسون گرك.
رخنه دار اولسون شريعت، پايمال اولسون وطن
هر نولور اولسون، مريديم بيشمار اولسون گرك.
گئتدي اسلاميت الدن، اي قولاغي توآلولر
تازه مكتبلر بيناسي تار و مال اولسون گرك.
اي جماعت جمع اولون جيغ بيغ صدا سين قطع ائدين
لام زبرله، جيم زبرجين پايدار اولسون گرك.
تازه چيخميش بو آتابه بير تماشا ائيله يين،
بو ايلان، بو قورباغا، بو سوسمار اولسون گرك.
بو يوغون قويروقلو حيواني تانيرسيز، يا خئيير؟
آلنينا يازميشلا تولكي،حيله آار اولسون گرك.
بو شكيللر شيرآديرباشدان آياغا خالقه،
تيلكيني خلق ائيله ين پروردگار اولسون گرك.
بوش يئره آللاه بلا گؤنده رميري بيز ملته،
يوز بلا و محنته فاسيق دچار اولسون گرك.
اي گول گولزار ايران ، اي فداآار وطن،
اي “عليزاده” رقيبين خوار و زار اولسون گرك.
معجز گمنامي سن مشهور آفاق ائيله دين
نام پاآين دفتريمده يادگار اولسون گرك.
محترم بير شخصدير” ميرزا حسن خان” خامنه اي،
ايستيرم لطف خدادن بختيار اولسون گرك.
معجز شبستری
Filed under: معجز شبستری,تورکی شعرلر Türkcə şeirlər | Tagged: موعجیز,موعجز شبستری,معجز,معجز شبستری,معجز شبستری نین شعرلری,معجز شبسترینین شعرلری,بایرام گونو,بایرام شعری,تورکی شعر,تورکجه آذری شعرلر,تورکجه شعرلر,شبسترلی معجز,شبستری | Leave a comment »